Dentro dos actos organizados pola Rede Museística da Deputación de Lugo, o día 27, ás 18:00 horas, terá lugar no Museo Pazo de Tor unha conferencia a cargo de Fernando Arribas Arias, presidente da Asociación de Amigos dos Cruceiros, Cruces de pedra e Petos de Ánimas, que falará sobre Un patrimonio esquecido e pouco valorado: cruceiros, cruces e petos do concello de Monforte de Lemos.
Neste relatorio, Fernando Arribas fará fincapé na importancia destes monumentos, situándose neste concello un dos cruceiros máis singulares de Galicia, o do Campo de San Antón, así como un peto de ánimas único en Galicia, o de Tor.